影片
更多
2021-03-22
782 瀏覽
西環區有兩間潮州食店好出名，一間叫「達濠仔」、另一間係「潮州人」。原來「達濠仔」嘅師傅已經悄悄地在北角區自立門戶，今日突登過去品嚐正宗潮汕風味菜。新店名字叫「聚潮潮汕地道美食」因為新開張嘅關係，餐廳裝修好新，夠光猛；感覺好乾淨，每一張枱都有透明膠版間隔，讓客人食得更安心。老闆都好熱情招呼，並推介左幾款必食推介。皺皮腸響依幾年在香港如雨後春荀，亦都係我最鍾意嘅美食之一。腸粉當然係即點即做，轉眼間兩碟腸粉已經奉上，分別有新鮮豬肉皺皮腸粉$32新鮮牛肉皺皮腸粉$32腸粉份量比平時大，基本上餡料多個腸粉皮，餡料有肉、雞蛋和生菜，是十分豐富同有營養嘅組合，腸粉皮滑不在話下，原來豉油都好講究加咗腩汁，絕對有畫龍點睛之效，而我較喜歡豬肉那款，因為更吃到豬肉的甜味。達濠魚丸、汕頭牛筋丸、白蘿蔔 三食 $43老闆嚴選了外來貨，魚蛋用上九棍魚打成，並非其他雜魚，所以特別有魚味，亦十分彈牙可口。至於牛筋丸超有嚼勁，牛味濃郁；白蘿蔔清甜但略欠軟稔。 食潮州嘢冇理由唔食「潮式蠔仔粥」老闆自豪地介紹佢哋嘅湯底用上大地魚和金華火腿熬製，所以一喝已嚐到甜香，用料都絕對交足功課，有蠔仔、五花腩、蝦乾、菜甫、雪菜和煮開的
「達濠仔」、另一間係「潮州人」。
原來「達濠仔」嘅師傅已經悄悄地在北角區自立門戶，今日突登過去品嚐正宗潮汕風味菜。
新店名字叫「聚潮潮汕地道美食」因為新開張嘅關係，餐廳裝修好新，夠光猛；感覺好乾淨，每一張枱都有透明膠版間隔，讓客人食得更安心。
老闆都好熱情招呼，並推介左幾款必食推介。
皺皮腸響依幾年在香港如雨後春荀，亦都係我最鍾意嘅美食之一。
腸粉當然係即點即做，轉眼間兩碟腸粉已經奉上，分別有
新鮮豬肉皺皮腸粉$32
新鮮牛肉皺皮腸粉$32
腸粉份量比平時大，基本上餡料多個腸粉皮，餡料有肉、雞蛋和生菜，是十分豐富同有營養嘅組合，腸粉皮滑不在話下，原來豉油都好講究加咗腩汁，絕對有畫龍點睛之效，而我較喜歡豬肉那款，因為更吃到豬肉的甜味。
達濠魚丸、汕頭牛筋丸、白蘿蔔 三食 $43
老闆嚴選了外來貨，魚蛋用上九棍魚打成，並非其他雜魚，所以特別有魚味，亦十分彈牙可口。至於牛筋丸超有嚼勁，牛味濃郁；白蘿蔔清甜但略欠軟稔。
食潮州嘢冇理由唔食「潮式蠔仔粥」
老闆自豪地介紹佢哋嘅湯底用上大地魚和金華火腿熬製，所以一喝已嚐到甜香，
用料都絕對交足功課，有蠔仔、五花腩、蝦乾、菜甫、雪菜和煮開的粥底。
但係最正嘅都要數係蠔仔隻隻都脹卜卜，肥美夠晒新鮮，十分有水準。
平時我唔會食豬雜怕膽固醇，但因為老闆推薦所以就試咗一碗「豬雜湯」
原來價錢都好經濟，有齊晒六款豬內臟嘅豬雜湯，只售$43
湯底同樣以金華火腿熬製加埋咁多肉類所以特別鮮甜美味，六款材料包括
豬潤、豬心、豬脷、豬肚、豬粉腸、豬肺等，豬雜做得乾淨完全冇豬羶味，反而多咗一份肉類甜味。每一款豬雜都有幾件，而且有大量生菜薦底，超重份量。
我覺得最好食嘅方法就係加少少佢哋自製嘅辣椒醬，辣椒醬用小黃椒、蒜頭爆炒，難怪香氣撲鼻，絕對又香又惹味，溫馨提示千祈唔好挑戰自己嘅辣到，因為真係好哽！
除咗自製辣椒醬，還有自製胡椒粉，辛而不辣，記得試吓。
張貼
