今晚約好朋友聚餐，一行四人，揀選了位於炮台山嘅潮州私房菜。朋友一早預訂好枱，還帶了一些酒水，齊齊盡興一番。
前菜
賣相非常吸引，牙帶魚外酥內嫩，鮮香可口；梅汁拌海蜇酸甜爽口，有嚼勁，非常開胃；而家鄉豬腳凍嘅口感好特別，加醋一起吃，味道更鮮。
滷水鵝肝拼一口鮑魚：
鵝肝美肥，豆干軟滑，鮑魚鮮甜爽口，呢個配搭好正。
野生菌燉花膠件：
超足料，有滑嫩花膠、野菌、鮮甜嘅瑤柱，好滋潤。
蘿蔔灌漿拼墨魚餅：
蘿蔔灌漿外酥內軟，墨魚餅則彈牙，兩款都好香口，我都很喜歡。
老陳皮豉汁蒸鱔片：
鱔片鮮嫩，豉汁帶出淡淡的陳皮香氣，十分惹味。
家鄉馳名鹹鮮雞：
雞肉肉質嫩滑，好鮮味。
拍蒜蝦羔炒白通菜：
蒜香蝦仁鮮美，通菜口感挺爽。
家鄉芋頭臘味局舨：
未食已經有陣陣芋頭香，而臘味豐富，經典潮州風味。
潮州福果綠豆爽：
清爽的綠豆湯，搭配多種福果，甜度合宜。
時令生果係提子，每粒提子多鮮甜爽口。
