美味的泰國菜

營業中

休息中

老公話想食泰國菜，就搵到屋企附近呢間做名好搞笑嘅美味的泰國菜，佢哋小店經營，座位唔多，一到7pm就已經座無虛席。我哋叫咗冬陰功湯同埋泰式柚子沙律，酸辣程度啱啱好，而柚子沙律味道亦都好清新。另外叫咗蟹肉炒飯🦀啲蟹肉都好大粒同乾身似係泰國食差唔多，同埋叫咗個泰式豬肉炒河，啱啱炒起熱辣辣啲粉好滑咩都唔錯。飲品方面，我哋嗌咗青檸梳打同埋龍眼冰，杯青檸梳打居然有鹹檸七嘅味道童眼甜甜地亦都好解渴，食完都有啲飽，留返下次再試吓佢哋個芒果糯米飯。