友誼泰國菜館

友誼泰國菜館於九龍城重開，聽聞原本係位於啟德，喺呢度重新開業後裝潢更加新淨企理，仍能保持舊店原有風味。

1

🥬 馬拉盞炒通菜 $68
蝦醬鮮味滲滿通菜，辣味適中。通菜炒得爽脆唔會好老，充滿泰式風味。

🐮 檸檬燒牛肉 $158
檸檬清新酸味恰到好處🍋牛肉肉香明顯🐮同時辣度都明顯，嗜辣人士會喜歡🔥

🐔 泰式燒雞（半隻）$88
呢度菜式相當有驚喜，燒雞做到皮脆肉嫩，每一件都做到香甜並且有口感😋啖啖肉食肉獸都會表示滿足。

🦐 蝦膏炒飯 $88
用蝦膏去炒飯相當抌本😳本身蝦膏都好難抗拒到，炒飯亦做到粒粒分明，鑊氣十足🔥蝦肉爽口彈牙。