小清邁 (柯士甸大廈) (已結業)

經過柯士甸路，見到呢間*小清邁* ，一間泰式外賣小店。見到個芒果糯米飯，我已經流哂口水🤤，睇下有乜食，買返屋企做晚餐都好。見到廚房入面係泰國廚師，一定係正宗泰式風味👍。每次見到有泰式鳳爪我都會叫😂，呢度既無骨鳳爪一盒份量都幾多，食極都仲有，味道偏濃，有少少辣，好開胃。菠蘿🍍炒飯，雖然唔係用菠蘿殼裝住，但無減佢既美味，裏面有好多新鮮菠蘿粒架🤤。芒果糯米飯梗係一定會買啦，仲要要個大既，軟軟既糯米飯加上清甜既芒果肉，倒上香香既椰醬，好味道，椰醬唔會太甜幾好。試埋呢個椰汁大菜糕，個口感都唔錯。龍眼冰裏面有好多龍眼肉架，支野飲充滿龍眼既清甜😋。等既期間都有好多外賣員拎外賣，至衰我唔係住呢頭附近啦，唔係可以成日叫。