阿來泰式地道風味

營業中

休息中

今日放學同朋友仔嚟旺角覓食，我哋嚟咗位於通菜街嘅阿來泰式地道風味餐廳。餐廳提供正宗泰國料理，又多款粉麵飯、小食同特色飲品等等。餐廳好大，夜晚好爆場，好多人食。我仲留意到廚師係泰國人，煮出正宗泰國美食！黃咖喱 $80首先，我哋叫咗個咖喱，可以揀選雞、牛、豬、海鮮，而我哋就揀咗牛肉。黃咖喱質地較稀，撈飯一流！食落好香、好惹味，再帶點椰汁味，唔會好辣。牛肉好大片，其他配料仲有洋蔥、薯仔等等。薄餅（四件） $39我哋仲叫咗薄餅嚟配咖喱食。薄餅非常酥脆，咬落脆卜卜，同咖喱好夾。泰式蠔仔蛋飯 $69呢款飯超大份，蠔仔蛋佈滿成個飯，大大片。蠔仔蛋有驚喜，雞蛋部份好綿密，煎得好香。另外，蠔仔份量多，食落好新鮮，每粒都脹卜卜，鮮甜美味。依款飯仲配有辣醬，點埋一齊食更加惹味。泰式乾炒河粉 $69泰式河粉配料可以選擇牛肉、雞肉、豬肉，而我就揀咗雞肉。雞肉大大嚿，食物幾滑。乾炒河粉炒得非常之香，好有食慾。河粉炒得好乾身，惹味。而配料有雞蛋、蔬菜等等。炒通菜 $68餐廳仲提供多款炒菜，我哋叫咗飛天通菜。飛天中菜好有鑊氣，好香辣，用上咗泰式豆醬、魚露、辣椒等材料炒。通菜好新鮮，吸滿晒醬汁嘅味道。泰式奶茶 $25泰