泰Grill (天晉匯)

📍趁着假期見到呢度有holiday lunch set試試，環境幾舒服仲唔使加一。每款套餐會送一份青木瓜沙律或冬陰功湯，呢度嘅冬陰功湯真係好好飲！我唔係太鍾意啲湯加到椰奶，佢冇加到但係個酸辣味完全唔會嗆口，非常貼近泰國嘅口味！黃咖哩魚柳飯 $95由原條魚柳炸成吉列魚塊，最好食係個咖喱汁，黃咖喱再加左蛋漿撈飯食好惹味。軟殼蟹.蟹肉炒飯 $118炒飯入邊加咗蟹肉絲，調味比較甜口，最吸引係面頭嘅炸軟殼蟹，係即炸夠晒脆口。牛魔皇船麵 $85碗麵入邊有生熟牛肉同牛丸，個湯都係比較甜口少少，入邊嘅芽菜同埋金邊粉份量都夠多。