泰仔

營業中

休息中

尖沙咀最近新開咗泰國餐廳"泰仔", 餐廳仲係由泰國人主理，連侍應都係泰國人，食物選擇都唔少添🇹🇭🍜 泰式乾炒雞河粉炒得乾身，河粉中間拎咗一兜醬汁，唔夠味嘅話可以撈埋啲醬汁一齊食😋整體配料都幾足❗️🦪 泰式雜錦海鮮煎入面有蠔仔、魷魚、海蝦等，煎到幾香脆，仲帶有鹹香味，配埋泰式醬汁好夾！🥬 泰式飛天炒通菜通菜爽脆，醬汁惹味！🍞 椰子雪糕吐司（奶茶醬）吐司外脆內軟，椰子雪糕香甜，奶茶醬更添層次，甜品控必試！🍤 泰式海鮮炸春卷炸得香脆，內餡海鮮滿滿，配埋泰式甜醬好開胃！🥤 泰式奶茶茶味濃郁，奶香十足，甜度剛剛好！🍹 青綠梳打清新解膩，飲完透心涼，配炸物一流！