鳴虎 (北角匯二期) (已結業)

喺北角一田行街，買完嘢三四點肚餓，見餐廳幾日式精緻嘅裝潢，入咗呢間鳴虎食咗個拉麵。叫了綠色虎拉麵，不得了，面頭有大量嘅香蔥及日本嘅大蔥頭，再加入咗四國的香蔥油，香味濃郁，個豬骨湯底都好正宗，味道好純樸，湯頭濃稠。個叉燒肥瘦相間，唔會十分乾，旁邊好多木耳，吃起來非常之爽口，食麵嘅時候口感會豐富啲。而旁邊有一整隻滷水蛋，份量非常之夠，咬開中間流心嘅蛋黃非常好味！朋友叫咗個鳴海老拉麵，湯底加入咗北海道嘅鮮蝦及櫻花蝦粉，鹹香十足，海鮮味撲鼻而來，令人齒頰留香。呢碗嘅叉燒一樣經過少少火炙過，所以外皮會焦香啲，油脂豐富，配搭埋個濃郁湯底，完全喺日本食到嘅味道！仲有啲小食，怕唔夠飽，叫咗個餃子，都係非常日式味道，皮非常薄，外皮好香脆。