川粵 (流尚坊)

營業中

休息中

今晚行完廣東道間apple 專門店順路經過流尚坊這裡見到喜歡口味，天氣凍凍地食返啲辣味菜式暖胃，於是便上去了，一出升降機就見到大大個餐廳招牌，餐廳地方闊落，坐下望望餐牌，有不同川菜款式選擇，小食要了麻辣魚皮，同埋川菜必吃口水雞，主食就係酸菜肥牛煲！麻辣魚皮，入口爽口彈牙，食落個陣麻辣慢慢滲出來，整個人都開始發熱了！口水雞嘅雞肉上都撒滿了花生碎同紅油麻辣醬，雞肉鮮美嫩爽，紅油奔放潑辣，入口一樣刺激醒神！酸菜肥牛煲就炒得十分惹味，上枱都會加上明火加住熱，所以入口時溫度仍然溫暖，肥牛吸收了醬汁所以十分入味肥美！這個絕對要加個白飯入口！配菜有豆卜、萵筍一樣十分入味，食時再攪勻味道更佳！而飲品就加了支烏龍茶，同一杯豆漿杯，因為食食下都食到出汗，需要凍飲解辣😘而中午嘅午餐都好抵食，下次行過又可以試試！