阿來泰式地道風味

營業中

休息中

約埋同事一齊去旺角行街，之後搵地方食晚飯，經過一間叫阿來泰式地道風味餐廳，裝修簡潔，座無虛席，主打泰國菜，同事和我都喜歡食，於是乎一齊入座食晚餐。海南雞半隻，海南雞已經去骨，雞皮厚爽脆， 有少許啫喱狀雞油 ，蘸上泰式酸辣醬，令雞肉更惹味。鹽燒鯽魚，即叫即燒，熱辣辣香噴噴上檯，鰂魚以粗鹽包裹着來燒，魚肚內藏着香茅和其他香料，肉質嫩滑少骨，點些泰式酸辣醬汁味道鮮美入味！泰式濕炒豬肉河粉，濕炒河有鑊氣，料夠多，豬肉醃得夠味又腍，泰國河粉滑嘟嘟，配搭晶凝通透嘅肉湯芡汁，十分惹味！