影片
更多
2021-09-06
44 瀏覽
銅鑼灣食到厭，真係諗唔到食咩之際，今次試下行落【下一站天后】睇下有咩好食。辣引起，就試下呢間新店-蜀香門第。通常我食辣都係去食麻辣火煱， 好少食小菜之類，見佢新裝修乾淨，門面又唔錯，就去試一試。 蜀香麻辣鍋第一次食呢d香鍋，佢係首先選左要鍋底既口味，之後自選最少5款食材，撈埋一碟。今次我擇左午餐肉🤤🤤，牛舌，牛百葉，土豆同鮮寬粉。一上台，眼都突，分量咁多既。。hahaha 真係底食夾大件，鐘意食重口味既人，應該對呢款香鍋愛不釋手，因為真係幾“野味”，同埋好夠辣，要叫返一jer自家制酸梅湯飲先搞得掂。牛舌同牛百葉好有牛味，唔似雪藏野，配上麻辣真係好夾，另外餐肉就唔洗講，一直都係我最愛。土豆睇得出係煎過，件件都煎得個面焦焦地，睇得出係用心去煎，讚！鮮寛粉都好索味Q彈，不過真係太飽肚，要停一停留肚試其他，但係係好好食。 肥腸粉我對豬大腸麻麻地，但我朋友話好食，同埋洗得好乾淨，粉是酸辣粉個隻滑滑的透明粉，叫左小辣都幾勁下。 紅油抄手呢個紅油抄手睇落去普通，但同我出面酒樓食過既唔同，呢度食呢係有d酸辣味，詢問之下原來係落左四川獨有既一款醋叫做保寧醋，佢就攞左一小碗比我地試一下，真的和平時既醋唔同
通常我食辣都係去食麻辣火煱， 好少食小菜之類，見佢新裝修乾淨，門面又唔錯，就去試一試。
蜀香麻辣鍋
第一次食呢d香鍋，佢係首先選左要鍋底既口味，之後自選最少5款食材，撈埋一碟。今次我擇左午餐肉🤤🤤，牛舌，牛百葉，土豆同鮮寬粉。
一上台，眼都突，分量咁多既。。hahaha 真係底食夾大件，鐘意食重口味既人，應該對呢款香鍋愛不釋手，因為真係幾“野味”，同埋好夠辣，要叫返一jer自家制酸梅湯飲先搞得掂。
牛舌同牛百葉好有牛味，唔似雪藏野，配上麻辣真係好夾，另外餐肉就唔洗講，一直都係我最愛。土豆睇得出係煎過，件件都煎得個面焦焦地，睇得出係用心去煎，讚！鮮寛粉都好索味Q彈，不過真係太飽肚，要停一停留肚試其他，但係係好好食。
肥腸粉
我對豬大腸麻麻地，但我朋友話好食，同埋洗得好乾淨，粉是酸辣粉個隻滑滑的透明粉，叫左小辣都幾勁下。
紅油抄手
呢個紅油抄手睇落去普通，但同我出面酒樓食過既唔同，呢度食呢係有d酸辣味，詢問之下原來係落左四川獨有既一款醋叫做保寧醋，佢就攞左一小碗比我地試一下，真的和平時既醋唔同，聞落幾香，有d似陳醋既味，呢個味道同餃子好夾，可以減少油膩既感覺，食多幾隻。
四川冰粉
刺激完一輪，食番個甜品就非常完美。四川冰粉我係出面食過都係黑糖底加冰粉，但呢度既四川冰粉色彩繽紛，好多配料，有提仔乾，山楂，杞子，紅糖，冰粉，仲有一樣係酒釀。我未食過冰粉係加埋酒釀的，幾特別，張一碗普通既冰粉，升華到另外一個層次，少少酒香，加埋山楂既酸甜脆等配料，呢個真係黎到要試試！驚喜！
另外見到呢度有唔小未聽過既菜色，但詢問之下係要預訂的，大家可以參考一下！
張貼
