西門町台灣麵食 (已結業)

今日早收工唔想咁早返屋企，就約左閨密去旺角傾計食晚餐，係女人街附近有間餐廳，裝修都幾有情調，就入去試下。服務員好熱情，好快就坐底左。我地叫左個二人晚餐。首先選左北投怪味雞，有好多蒜頭，爆蒜係我既最愛，味道好好，我非常喜愛，啲汁可以撈飯食，味道一流。跟住叫左個腐皮蚵卷，賣相十分靚，外皮炸到金黃色，食落香脆可口，中間有好多蚵仔，鎖住肉汁，外脆內軟。口感一流。跟住叫多個涼拌茄子，甜甜地都好好味，呢個係涼菜，值得一試。跟餐重有配咪肉臊飯，臊肉比較瘦，食落非常健康，唔使怕肥，味道都好好，好有台灣風味。最後重有叫左個擔擔面，個醬汁非常好味，係我喜愛既味道，值得一試。跟餐重有兩杯野飲，閨密就選左芝麻奶茶加珍珠，閨密很喜歡，味道賣相都唔錯，珍珠有好有彈性，口感十足。我個人就選左香芋雪香，上面有啲燕麥片，飲落煙煙銀銀，都係唔錯既選擇。最後重有甜品送，今日係擂沙湯圓，中間係芝麻，唔會好甜，味道岩岩好，岩曬女士們食。