台灣麵 (已結業)

同朋友行完花園街，搵地方食飯，行過始創中心，原來地鋪都有野食，一落電梯就見到間台灣牛肉麵，好光，好乾淨，環境好舒服。諗都唔洗諗就食呢間😀我地點左紅燒牛肉面、微辣！台式三寶面，有牛展、牛根、牛肚。湯底係正宗台灣口味，牛展就有五大舊，好入味，而牛肚爽，牛根都好好食🤤我最鐘意就係呢到既粗面，好有咬口👍🍜因為太肚餓，我地仲點左二款小食，炸花枝丸同韮菜餃🥟飲品方面我地就點左珍珠奶茶同金桔檸檬🍋蜜。🥟湯入面有好似加左猪油渣，蒜香味好正，一啖一粒水餃加埋熱辣辣既湯，好食啊！炸花枝丸，炸到又爽又彈口，仲有墨魚粒，點埋豉油，不知不覺就清曬成碟。好滿足！😂