西門町台灣麵食 (已結業)

西門町已經好耐好耐未去過，呢日路過旺角，見到有間名叫『西門町台灣麵』的餐廳，燃點咗我嘅欲望，入去逛吓，食吓嘢啦喂。選擇都多，唔知揀咩，最後揀咗個248蚊嘅套餐，貪佢乜都有時，亦有得選擇唔同嘢，唔係set 死晒一樣嘢。『北投怪味雞』，雞够嫩滑，調味汁好到冇得彈，有D酸，有D甜，有D辣，總之啱哂口味，亦都好開胃。『腐皮蚵卷』，蚵仔煎我就食過台式，潮州式，閩南式，但腐皮蚵卷好似未食過，外表整到好似閩南的『雞卷』，但入邊係蚵仔，外皮卜卜脆，加埋餐廳自家製『海山醬』，好味好味。『涼拌茄子』，茄子食得最多嘅係煎釀茄子，今次簡單的茄子，煮得好腍，應該又係自家製醬汁，令到平凡的茄子變得不平凡。『肉燥飯』和『擔擔麵』係今晚主食，ok嘅。食得太多嘢，爭D唔記得仲有甜品『擂沙湯丸』，新鮮熱辣製作，外皮煙煙韌韌，正。