正宗印度餐廳及酒吧 (電氣道)

營業中

休息中

最近發現自己好似都冇乜機會食印度菜，而經過朋友嘅推介。發現原來香港都有好正宗嘅印度菜。呢間餐廳係位於天后，佢嘅中文名係正宗印度餐廳及酒吧。就咁聽個名都覺得好正宗。講返餐廳嘅環境先，我覺得餐廳嘅格調真係幾有異國菜嘅感覺，而且店員都係正宗印度人。跟住落嚟就介紹嘢食啦，首先我想介紹嘅係餐廳推介嘅菠菜蒜蓉飯。其實我真係第一次見呢一個配搭，不過估唔到食落落真係俾咗好多驚喜我，菠菜嘅份量好足夠，而啲印度香米都染埋做綠色，就咁睇個賣相都覺得好健康。蒜蓉嘅味道我個人認為都做得好出色，每一啖飯都充滿蒜香味。以我本人都幾鍾意食印度香米，因為每一粒印度香米都好長，咬落去嘅時候都好有口感。跟住我想介紹嘅係奶油咖喱雞塊，我個人推薦大家叫呢個嘅時候一定要叫埋餐廳嘅烤餅一齊食。而餐廳嘅烤餅都好特別，沖上嚟嘅時候會有個架勾住啲烤餅，用嚟影相真係一流。講返個咖喱雞塊，我覺得佢個辣度啱啱好，應該係因為落咗奶油去中和，所以成個調味我都係恰到好處，而雞塊都好嫩滑，仲要好入味。點埋烤餅食真係一流！絕對係高質嘅印度菜，誠意推介大家嚟呢度試吓～