羅勒印度餐廳 (七姊妹道)

營業中

休息中

今日lunch唔知食咩，記得地鐵站附近有間餐廳摞過米芝蓮，以前食過，但係已經好耐無食，所以決定去下。我哋兩個人，order咗兩個餐，第一個係雞肉炒飯，附送酸奶同胡椒餅。呢個餐份量有啲小，比較適合女士，佢啲飯佢炒得粒粒分明，係咖哩味嘅，入口唔算好辣，但係有好濃嘅香料味，但係食落口略嫌有少少乾，加埋佢送嘅酸奶落去會balance一啲。個胡椒餅就鹹鹹地，比較香脆。第二個餐係椰香咖哩牛肉配烤餅。啲咖哩入口其實甜甜哋，咀嚼咗一陣先開始有陣陣辣味湧上黎，層次好豐富。兩個餐仲分別贈送一碗湯同一杯熱飲。