影片
更多
2014-01-03
1658 瀏覽
近年專賣燒烤、串燒店變成潮流，日、韓、四川各式其式廣受歡迎。 不過好少人提到印尼獨有風味串燒 - 沙爹。 細個屋企附近有傳統印尼炭爐燒沙爹賣， 用木頭車擺檔當聞到起爐時炭燃燒產生嘅煙味時就知印尼叔叔開檔喇， 佢會用大葵扇撥火爐控制火候， 一串串生肉預先醃製穿好竹簽， 非常懷念哪獨家調製嘅惹味沙爹汁， 不過此情此景已成過去，因為再無擺街檔呢支歌仔唱好耐。 要食印尼沙爹唯有要幫趁印尼餐廳，但係要一餐飯價錢唔平啊。去筲箕灣朋友屋企食完食，途經東大街忽然聞到熟悉嘅味道-炭爐燒烤味！ 一直跟住呢陣味道向地鐵站出口方向行見到一班人排隊落order, 望真D原來有間小店正賣印尼沙爹！ 正呀！舖前擺放各種燒烤食物一目了然，客人都手指指落order， 另外都有提供order紙已列出所有食物同價錢，可填上order數量交俾店員。 大部份食物都已預熟，老闆收到order後就將食放喺炭爐上燒烤至表面燋黃香噴噴，即食的話會按客人要求淋上沙爹汁，而沙爹汁可揀辣或唔辣， 外賣的話會食物同汁分開載。 由於剛食完晚飯，所以只試咗3串沙爹： 豬、雞、羊各一要辣汁即食，見老闆不時控制火候轉動食物非常忙碌。 好彩前面等嘅人唔
去筲箕灣朋友屋企食完食，途經東大街忽然聞到熟悉嘅味道-炭爐燒烤味！ 一直跟住呢陣味道向地鐵站出口方向行見到一班人排隊落order, 望真D原來有間小店正賣印尼沙爹！ 正呀！
舖前擺放各種燒烤食物一目了然，客人都手指指落order， 另外都有提供order紙已列出所有食物同價錢，可填上order數量交俾店員。 大部份食物都已預熟，老闆收到order後就將食放喺炭爐上燒烤至表面燋黃香噴噴，即食的話會按客人要求淋上沙爹汁，而沙爹汁可揀辣或唔辣， 外賣的話會食物同汁分開載。
由於剛食完晚飯，所以只試咗3串沙爹： 豬、雞、羊各一要辣汁即食，見老闆不時控制火候轉動食物非常忙碌。 好彩前面等嘅人唔多所以大概8分鐘就燒好，一串沙爹肉嘅份量都唔少，其實我都好辣但個辣沙爹汁比我想像中辣好多， 食一口即要噴火！ 完全唔食得辣就咪試喇。 不過個沙爹汁味道唔錯，有濃郁香料十分惹味。 至於3種肉都醃得入味，食到香茅、黃薑粉、青檸同其他香料味道， 經燒烤後就更加香口滋味。
一串沙爹大概$8-$20，製作認真非常抵食。
題外話/補充資料：
除燒沙爹外仲有其他印尼美食如巴東牛肉、炒麵、黃薑飯、薯餅、蝦片等。
(以上食評乃用戶個人意見 , 並不代表OpenRice之觀點。)
張貼
