雄記牛腩王

營業中

休息中

旺角街頭十分多食店，眼花繚亂，唔知食咩好，經過雄記牛腩王，店員十分熱情招呼，話入面有粉有飯有套餐，見好耐冇食過牛什粉，食下都好喎。入到去，暫時得一枱客，店員示意隨便，坐睇下餐牌食咩先。落完單，食物好快就到，牛雜粉果然係高效率嘅😆⭐炸魚皮炸魚皮超大塊，咬落好脆，小小鹽調味幾正喎。⭐咖哩崩沙腩飯朋友叫咖哩飯食，有普通嘅咖哩牛腩，又有咖哩牛坑腩，朋友就揀咗咖哩崩沙腩，佢話崩沙腩最好食喎😋個牛腩炆得軟腍，肥瘦適中，肉味香濃又真係幾正。⭐牛腩牛筋米自己就要咗個牛腩牛筋米粉，要普通牛腩咋，炆得好入味有咬口，牛腩同牛筋嘅份量都好多，抵食喎😍⭐腐乳通菜跟粉麵飯加廿蚊可以有油菜同飲品，咁抵就梗係要加啦，朋友要咗腐乳通菜，個腐乳醬好惹味👍⭐蠔油菜心自己就揀咗蠔油菜心，啲菜心好淋甜，加埋個蠔油提鮮真係幾好食👍⭐凍檸茶 & 熱菜蜜跟餐飲品冷熱同價，要咗杯凍檸茶走甜，朋友就要熱菜蜜，味道夠濃，正。見佢正正飯市七點半都唔多客，點知過咗一陣八點左右就全店滿曬要等位了，除咗國內遊客，仲有一台係韓國食客，唔知佢哋識唔識睇餐牌呢😘