影片
更多
2013-09-01
2561 瀏覽
本來入咗LaVilla，坐低咗之後見到對面間Tapas，就好興奮咁上Openrice，點知爆燈好評，所以決定離坐過檔食Tapas，亦好彩有咁做，因為真係好好食！入去Tapas氣氛好好，因Happy Hours白酒紅酒買一送一，所以好多人Happy緊，可惜我同酒精休戰中，所以唯有去感受下Happy嘅氣氛。Tapas餐牌好多嘢食，講真又唔係好西班牙菜，不過西班牙火腿就有好多件排咗出嚟，似Wine Bar多過Tapas Bar，亦有海鮮選擇，好似龍蝦、蠔咁，真正西班牙菜邊有咁食呀？不過多個選擇冇壞！點咗Chicken 65, Fish & Chip, Wagyu Beef, Spanish Platter，由百幾至三百不等，視乎用料。Chicken 65香脆可囗，味道十足，辣味不太重，肉質嫩滑，送酒一流。Fish & Chip不得不贊，Fish完全係外脆內軟，外脆係鬆化而又唔太油，厚度適中，內軟係一咬開，魚香爆發出嚟，好似蒸魚打開蓋咁！正正正！Wagyu Beef唔洗點講都知好味，用黑椒汁去調味，其實有d遮蓋本身肉味，不過不失！Spanish platter，當眼花撩亂唔知揀咩西班牙火腿同芝
本來入咗LaVilla，坐低咗之後見到對面間Tapas，就好興奮咁上Openrice，點知爆燈好評，所以決定離坐過檔食Tapas，亦好彩有咁做，因為真係好好食！
入去Tapas氣氛好好，因Happy Hours白酒紅酒買一送一，所以好多人Happy緊，可惜我同酒精休戰中，所以唯有去感受下Happy嘅氣氛。
Tapas餐牌好多嘢食，講真又唔係好西班牙菜，不過西班牙火腿就有好多件排咗出嚟，似Wine Bar多過Tapas Bar，亦有海鮮選擇，好似龍蝦、蠔咁，真正西班牙菜邊有咁食呀？不過多個選擇冇壞！
點咗Chicken 65, Fish & Chip, Wagyu Beef, Spanish Platter，由百幾至三百不等，視乎用料。
Chicken 65香脆可囗，味道十足，辣味不太重，肉質嫩滑，送酒一流。
Fish & Chip不得不贊，Fish完全係外脆內軟，外脆係鬆化而又唔太油，厚度適中，內軟係一咬開，魚香爆發出嚟，好似蒸魚打開蓋咁！正正正！
Wagyu Beef唔洗點講都知好味，用黑椒汁去調味，其實有d遮蓋本身肉味，不過不失！
Spanish platter，當眼花撩亂唔知揀咩西班牙火腿同芝士時，依個係最佳選擇，完全係正！火腿唔太喊，芝士唔太濃，配合olives，簡直係超絶之選！
服務Friendly又唔作狀，感覺好relax，有電視睇波，好天可坐出面望海。10%服務費係可合理，始終酒店格局，而且又有酒店水準，推介！
張貼
