玉桃軒酒家 (利舞臺廣場)

營業中

休息中

有冇試過食麵包希望有陣陣鴨味? 食白飯希望有陣陣鴨味? 連飲水都希望有陣陣鴨味?如果肯定精神無問題, 那原因就只剩低一個, 就係片皮鴨癮又突然來襲。因為著實離上次片皮鴨癮不太遠, 一想就想到上次替我同朋友完美滿足地解決到相關心癮的玉桃軒。都是兩個人, 但上次不是和她食, 所以我非常努力說服她這裡的片皮鴨有幾皮脆肉嫩,餅皮有幾煙韌, 配料有幾新鮮, 燈光有幾柔和等.......但原來她本身已食過很多次玉桃軒, 還推介我片皮鴨二食的 豆腐菜苗滾鴨湯。 片皮鴨今次的鴨比上次的肥美, 脂肪是比較多了,但相對地鴨油香就更加特出。雖然分店不同, 依然做到皮脆肉嫩, 相信食物質素管理下過一番功夫, 值得欣賞。重中之重是那麼高質依然還是做緊優惠, 究竟有冇搞錯?二食的豆腐菜苗滾鴨湯很少飲鴨湯, 原來很好喝的,尢其是愛食鴨人仕如我。甘香, 而加了蔬菜更多了一份清新。湯料也十足, 跟本可以當另一道菜。 朋友推介的擔擔麵我會形容是玉桃軒版的擔擔麵。跟平時食開充滿麻醬香味的擔擔麵不同, 它是充滿洋蔥跟肉碎, 滿滿洋蔥香。麵質比較彈牙爽口, 值得一試的。