泰特色泰國餐廳 (已結業)

父親節出街慶祝，選擇了泰特色。原因之一就係平。節日慶祝通常餐廳都會加價，但泰特色冇加之餘，仲有折，感覺好抵食。我地一行9人包括小朋友，選擇左4人餐，因為望落去4人餐份量已經好足夠。先講環境，當晚好多人，幾乎坐滿，感覺上有啲逼，因為實在太多人啦。衛生呀服務態度呀通通不過不失。而最重要嘅食物方面，整體都係高水準嘅。四人餐有炸物拼盤，椰汁雞湯，大肉蟹，海南雞，金邊粉同甜品。挑選幾個出黎講下：椰汁雞湯，椰味好濃郁，油份唔多，雞好入味亦冇煲到鞋哂，飲落好甜。海南雞無骨嘅，又冇血嘅，油唔多，啖啖肉。唔似其他餐廳咁又硬又凍一咬又成口油咁。大肉蟹，最大問題係冇拆肉，要自己拆，雖然好好食，但對手污糟哂。賣相方面，成隻大肉蟹喺個煲入面，係幾令人興奮。整體黎講，今次評價係好高，平時仲要晚市七折，係值得再黎嘅。