影片
更多
2020-03-22
1932 瀏覽
今日係紀念日，約左女朋友去食高級西餐，餐廳主打歐陸菜色，每道菜都造到圖畫一樣美麗，重要選用外國食材，絕對高質，女朋友一定好開心👍🏻一入到餐廳，服務員就會禮貌接待，安排位置，餐牌方面都好細心，男仕果份，有價錢，女仕果份無印價錢👍🏻選好菜單，頭盤馬上送上，係麵包，基本有三種選擇，甜度高啲既，法國白麵包（淡味）同埋 蕃茄味麵包。配合埋佢地特制既麵包醬，非常好味👍🏻👍🏻頭盤係紅菜頭啫喱配三文魚他他，佢地重配有意大利醋，食起上黎，有紅菜頭既鮮味，加上酸酸甜甜既意大利醋，非常開胃👍🏻第一個主菜上啦，係金槍魚刺身配清酒醬汁，旁邊有露筍同埋檸檬啫喱。金槍魚非常新鮮，好厚切，配合埋佢地既陳年醋一齊食，鮮味更加提升👍🏻食完金槍魚，記得食埋個春卷皮同埋露筍，露筍連同檸檬啫喱一齊食，份外清新，亦可以令口腔為下一道菜做好準備。第二個主菜係鹿兒島帶子刺身蟹肉包，我好欣賞蟹肉包下面嘅啫喱，佢係用提子片加埋啫喱混合而成，味道清新，又好睇又好食。蟹肉包好鮮味，食到好香嘅蟹肉同埋刺身味👍🏻👍🏻第三道主菜係意大利瓜忌廉湯配花甲及白豆蓉。首先店員會將花甲放喺碗入邊，再為我們加上意大利忌廉湯。個湯本身都好重豆蓉味，加埋花甲嘅鮮
一入到餐廳，服務員就會禮貌接待，安排位置，餐牌方面都好細心，男仕果份，有價錢，女仕果份無印價錢👍🏻
選好菜單，頭盤馬上送上，係麵包，基本有三種選擇，甜度高啲既，法國白麵包（淡味）同埋 蕃茄味麵包。
配合埋佢地特制既麵包醬，非常好味👍🏻👍🏻
頭盤係紅菜頭啫喱配三文魚他他，佢地重配有意大利醋，食起上黎，有紅菜頭既鮮味，加上酸酸甜甜既意大利醋，非常開胃👍🏻
第一個主菜上啦，係金槍魚刺身配清酒醬汁，旁邊有露筍同埋檸檬啫喱。
金槍魚非常新鮮，好厚切，配合埋佢地既陳年醋一齊食，鮮味更加提升👍🏻
食完金槍魚，記得食埋個春卷皮同埋露筍，露筍連同檸檬啫喱一齊食，份外清新，亦可以令口腔為下一道菜做好準備。
第二個主菜係鹿兒島帶子刺身蟹肉包，我好欣賞蟹肉包下面嘅啫喱，佢係用提子片加埋啫喱混合而成，味道清新，又好睇又好食。
蟹肉包好鮮味，食到好香嘅蟹肉同埋刺身味👍🏻👍🏻
第三道主菜係意大利瓜忌廉湯配花甲及白豆蓉。首先店員會將花甲放喺碗入邊，再為我們加上意大利忌廉湯。個湯本身都好重豆蓉味，加埋花甲嘅鮮味，個湯真係好好飲，飲湯之餘仲可以食到花甲肉，美味👍🏻
之後既主菜，係味道比較濃既香煎法國鵝肝配天婦羅片，鵝肝表面煎到金黃，內裏香軟，配埋甜椒醬，極之美味。
食完一個味道比較濃烈嘅法國鵝肝，之後呢道菜比較清淡。呢個菜叫做水煮法國雞配黑松露及自家製墨魚意大利麵，水煮法國雞口感嫩滑，係用慢煮嘅方法整出嚟，所以非常鮮嫩。而自家製意大利麵，非常有咬口，剛好清除口腔內濃烈嘅鵝肝味👍🏻
最後一道菜係，香煎美國殼飼冰鮮頂級西冷配羊肚菌蘑菇卷。西冷牛我選擇咗三成熟，肉汁非常多，而且牛肉非常嫩滑，質素非常之高👍🏻👍🏻
食完主菜，甜品就跟住上啦，分嘅係芭樂雪葩醒山鮮紅石榴及泡沫，同埋柚子雪糕配朱古力蛋糕。
我好鍾意芭樂雪葩，因佢口感好鮮，將成餐飯既味道，一次過於口腔中清除，醒神晒既台覺😍
柚子雪糕都吾差，配埋朱古力蛋糕一齊食，吾會太甜，味道岩岩好👍🏻
總括黎講，成餐飯好高質素，環境一流，餸菜美觀到吾捨得食，當然味道都好好，女朋友話比9.9分👍🏻👍🏻
美味指數⭐️⭐️⭐️⭐️
浪漫指數⭐️⭐️⭐️⭐️⭐️
衛生程度⭐️⭐️⭐️⭐️⭐️
抵食指數⭐️⭐️⭐️⭐️
張貼
