度 (已結業)

銅鑼灣Time square 附近開咗一間新café，Beyond coffee & bar綠色嘅classic外觀，加上打卡小台就已經吸引咗Caca入去喇～～呢間café 有個中文名叫「度」，經營咖啡店嘅態度、咖啡嘅溫度，別有一番意思呢！店內牆上一幅幅刻畫咗聖經經文嘅字畫，係慈善義賣，歡迎有緣善長帶回家。店內有吧台，有雅座，仲有屏幕播放住經典電影，滿滿歐式格調！Menu方面，有沙津，All day breakfast，意粉等等主食，仲有特色咖啡、花茶～～👧🏻Caca今次食乜野？🍽大蝦意粉—酒店級嘅大蝦，肉質彈牙，醬汁用咗蝦頭餚製，味道更香更配合。🍽招牌All Day Breakfast—經過嚴選嘅三文魚、香腸、煙肉、小蕃茄、滑蛋、小麵包等食材，非常豐富。🍹香橙咖啡—第一次飲到呢種咁有層次嘅味道，香甜橙味同cold crew原來咁match!🍵牛奶抹茶—綠茶味道濃郁，入口細滑，拉花都好靚呀！