肯德基家鄉雞 (KFC)

營業中

休息中

有日行街，成條街都係人，九成都係拖住曬行李嘅遊客，全部都係講住啲捲曬悧嘅話， 搞到我個人好心煩好燥底，唔想返到屋企之後，攞屋企人呢出氣於是就要去歇下腳飲杯嘢冷靜一下。食雞又太油膩，食飯又怕飽滯，沙律有冇得食，咁就唯有叫兩件葡撻加一杯凍檸檬茶，咁樣都算係好享受，咁樣都算係一個人的浪漫。兩件葡撻，兩件都算係熱辣辣，蛋撻啲蛋好香甜，個皮又夠脆，可能個肚餓嘅關係覺得啲葡撻好好食。杯凍檸茶真係唔係好好飲，冰又多，茶底又冇茶味，檸檬又唔夠檸檬味，但係就有啲苦澀味又唔夠酸，都係茶餐廳嗰啲好飲啲，不過算啦，點都健康過飲汽水。