紅火鮮料火鍋專門店

營業中

休息中

想打邊爐又想食燒肉？仲有雞煲？仲有刺身食？搵到一間可以一次過滿足晒四個願望嘅餐廳😆佢分三個level，最平嘅火鍋任食先一百幾蚊，已經食到牛板腱、牛柳粒、牛舌等，仲有好多火鍋配料都係任食。想豪少少有埋M3和牛、海鮮、帶子刺身等，就可以揀經典款，最平時段$258就可以食埋燒肉，我哋就係揀呢款嘅。佢仲有個豪華餐，加多少少就可以食埋極上和牛，性價比好高。佢最大嘅特色就係有好多嘢食，啱晒一大班人一齊食。我哋先燒住啲肉同海鮮，之後食刺身，食完就上埋雞煲，最後加水打邊爐，真係好豐富。