越男仔 (已搬遷) 新店位置

早幾日和朋友去了廣華街吃午餐，同行三人，他們吃完都覺得會回來再吃過。這間餐廳就是越男仔。其實在很久之前我都曾經食過這一間越男仔餐廳，依稀還記得這間餐廳的番茄小食幾好味，如果沒有記錯菜名應該叫冰鎮番茄，我依稀記得番茄是脫了皮的，非常爽甜，而且冰凍的，加上有蜂蜜，味道可口。至於今次就和朋友每人叫了一碗檬粉和河粉，再加兩個小食。賣單大概$378，平均$126一個人。招牌手撕雞併扎肉椰汁酸湯湯檬粉，$69，這個是我叫的。一送到上枱面的時候，感覺非常之大碗，因為眼見碗的圓周比一塊面還要大。雞肉份量都幾多，椰汁味好香，還有一些蔥粒和芽菜等配菜，食完超級飽。越式生牛肉牛骨湯河粉，$62 ，這個是朋友叫的。牛骨湯幾好飲，牛肉味濃郁。連同炸蒜，蔥粒等配菜一起吃，味道10分夾。小食我就比較喜歡海膽炸春卷。$98。春卷外皮炸到脆卜卜，裏面有一些粉絲、木耳絲等等的春卷配料，頂部就有燒過的海膽，海膽好新鮮，而且海膽份量都不算少，食得好滋味。另一款小食就是手撕雞檬紙卷。一碟有四件，手撕雞份量都幾多，檬紙卷上面的手撕雞是排得滿滿的。檬紙卷的檬紙好有彈性，有咬口。加上酸酸甜甜的檬粉汁，開胃可口。