十一串 (已改名) 查看

放工同同事去佐敦行下，行到去一些小橫街時見到哩間日式裝潢串燒店，朋友話好耐無食鰻魚飯，想入去食個飯，坐低後同事被隔離枱的串燒香氣吸引住，忍唔住同我叫左幾串，加一份燒鰻魚，叫完野食當然唔少得叫飲品啦，同事叫左支裝竹庶茅根水，我就叫左罐荔枝玉露，燒雞泡魚乾先上場，紅色一塊切開一條條，咬落似魷魚乾，咬咬下有魚的微鮮味道慢慢浸出，旁邊有些芥末醬點，送酒一流。我地仲叫左燒豬頸肉、羊肉串，咬落肉質彈牙，羊肉無咩So味，淨係食串燒感覺唔夠飽，見到有木魚湯底讚岐烏冬，一於叫返碗填飽下個肚先，同事就順便叫多份蒜蓉燒茄子同蜜糖雞翼。燒鰻魚登場，份量有半條，上面還撒左些芝麻，望落肥美吸引，同事立即品嚐，跟住豎起拇指。木魚湯底讚岐烏冬係一鍋鍋上，當中有些鳴門卷，木魚湯飲落清甜，烏冬彈牙。蒜蓉燒茄子，燒得好靚，面頭巳見好多蒜泥，食落啖啖蒜同肉，正~至於蜜糖雞翼，面層燒到微焦，咬落甜甜地，肉質嫩滑野味，一邊食一邊傾計，都同朋友食到十點鐘先走。