金蘭花泰國菜 (已結業)

記得之前朋友介紹過係軒尼斯道附近有間好好既泰國私房菜係樓上鋪於是上網搵下資料就知道應該係金蘭花啦廚師同服務員大多數係泰國人，口味同服務都唔錯我地點左生菜包、黃咖哩牛肉、炒海鮮金邊粉同埋柚子沙律生菜包不過不失，稍微辣左少少，不過就依然好惹味好好食~黃咖哩牛肉就最正，個汁好好味!! 有咖哩香味之餘又不失椰汁既甜~對於唔太食得辣既我黎講簡直係飛佛!!牛肉都好鮮嫩，唔鞋之餘又無筋!!個汁加埋薄餅食真係無得輸!!而炒海鮮金邊粉都幾正宗，真係十足我係曼谷食過既味道~蝦仁大大隻，金邊粉夠乾身仲好有鑊氣!!黎到食泰國菜又點可以唔叫芒果糯米飯架?!芒果香甜可口，唔會得死甜，係真正食到芒果香氣個種糯米飯軟硬適中，椰漿落得啱啱好，甜度適中~其實我次次食泰國菜既最終目的都係想食芒果糯米飯食食下職員捧左好大個芒果糯米飯生日蛋糕出黎~仲會用泰文唱生日歌~全場氣氛好high