影片
更多
2022-11-17
118 瀏覽
今日咁啱入寶琳打波，同朋友去咗附近新都城中心覓食，見到呢間將軍會館係食新派中菜，仲有得飲茶食點心，好啱我地口味，就決定食佢！.餐廳裝修別緻，好光猛乾淨，座位之間有屏風隔開，好大好闊落，坐得好舒服；價錢仲好合理，味道亦非常唔錯，CP值高；最特別係餐廳有幾隻送餐機械人，幫手喺廚房送菜出樓面，仲識讓路，好先進！.💎$198 北京烤鴨(半隻) 連麼麼皮半隻兩個人食都好夠，配料除咗有基本嘅京蔥、青瓜、哈密瓜，仲配咗芋頭，第一次咁食！軟糯嘅餅皮，加上片皮鴨外皮酥脆，肉質嫩滑，再配埋甜麵醬同啲配料，油香十足得嚟，又幾爽脆清甜，好清新🤩！.💎$148 酸菜無骨魚(鯛魚片)酸菜同魚都幾多，仲加咗芽菜、薯粉、萵荀，幾足料～啲魚食落非常有驚喜，超級爽滑（朋友話係佢食過口感最好嘅酸菜魚），仲好入味，好食到停唔到口🤤平時啲酸菜魚面頭會有層油，但佢呢個湯清得嚟又好夠味，飲落零負擔😋.💎$49 蔥油蝦干拌麵要讚個麵質好彈牙，啲蝦乾好香口，連埋蔥油同芝麻一齊食，好惹味，味道帶少少甜，食曬都唔溜👍🏻.💎$48 流心熊貓(朱古力)賣相吸引，好精緻可愛，啱曬打卡🥰，一搣開個包，入面嘅流心朱古力醬已經流出嚟，香甜濃郁，食得好
同朋友去咗附近新都城中心覓食，
見到呢間將軍會館係食新派中菜，
仲有得飲茶食點心，好啱我地口味，就決定食佢！
.
餐廳裝修別緻，好光猛乾淨，
座位之間有屏風隔開，好大好闊落，坐得好舒服；
價錢仲好合理，味道亦非常唔錯，CP值高；
最特別係餐廳有幾隻送餐機械人，
幫手喺廚房送菜出樓面，
仲識讓路，好先進！
.
💎$198 北京烤鴨(半隻) 連麼麼皮
半隻兩個人食都好夠，配料除咗有基本嘅京蔥、青瓜、哈密瓜，
仲配咗芋頭，第一次咁食！
軟糯嘅餅皮，加上片皮鴨外皮酥脆，
肉質嫩滑，再配埋甜麵醬同啲配料，
油香十足得嚟，又幾爽脆清甜，好清新🤩！
.
💎$148 酸菜無骨魚(鯛魚片)
酸菜同魚都幾多，仲加咗芽菜、薯粉、萵荀，幾足料～
啲魚食落非常有驚喜，
超級爽滑（朋友話係佢食過口感最好嘅酸菜魚），
仲好入味，好食到停唔到口🤤
平時啲酸菜魚面頭會有層油，但佢呢個湯清得嚟又好夠味，飲落零負擔😋
.
💎$49 蔥油蝦干拌麵
要讚個麵質好彈牙，啲蝦乾好香口，
連埋蔥油同芝麻一齊食，好惹味，
味道帶少少甜，食曬都唔溜👍🏻
.
💎$48 流心熊貓(朱古力)
賣相吸引，好精緻可愛，啱曬打卡🥰，
一搣開個包，入面嘅流心朱古力醬已經流出嚟，
香甜濃郁，食得好滿足👏🏻
.
💎$12/人 茶位
好多茶款揀，我地就揀咗玄米茶，
特別一提，佢連珍奶都有，
大約$18大大杯，抵過出面好多，
我地食飽咗就無試，大家有興趣不妨試下～
張貼
