第三站

今日搵咗間樓上Cafe玩下board game 食個晚飯 消磨下時間🧞‍♂️🧞‍♂️ 見呢間開到凌晨一點 啱哂！！🧚‍♂️餐廳嘅位置好易搵 係新波鞋街個頭🧞‍♂️ 上去見到環境好闊落 全部都係卡位！眼見有兩三間房可以俾8-10人包場都得🧚‍♂️ 我同朋友諗住食飽再玩board game！Set dinner平均都係$100到 包一杯飲品🧚‍♂️ 朋友要咗個燒牛肉配田園沙律 我就要煙三文魚野菌忌廉意粉！黎得cafe 都預咗食物只係正常普通質素 但佢個燒牛肉配田園沙律又幾好食喎🧚‍♂️ 蔬菜又新鮮仲有好多芝麻醬 正！ 意粉雖然係白汁底 好彩煙三文魚份量都唔少🧞‍♂️玩完一輪board game我哋再叫咗啲小食🧛‍♂️ 小食真唔錯喎！墨西哥雞翼同埋墨西哥香草肉丸超級香濃 墨西哥汁有少少辣 令人食到停唔到口呀🧛‍♂️🧛‍♂️🧛‍♂️ 墨西哥雞翼$40有六隻喎 超級抵食🤑🤑🤑 真係想encore！🧚‍♂️ 作為樓上Cafe 呢度真係幾大 坐得好舒適 一大班friends來玩都啱 同埋最緊要係呢度冇煙味啊！！🧞‍♂️