滾餃

營業中

休息中

觀塘前工厦又有新嘢食，位於駱駝漆大廈9樓嘅《滾餃》總會有一款啱你心水。啱啱過咗午膳高峰時間，店內仍坐滿八九成食客，剛剛下午茶時段，可以慢慢食慢慢歎。呢度請咗幾位姨姨專人包餃子，佢哋嘅手工製作衛生可靠。辣味菜脯勁爽口，食落香口又夠辣，配上海麵/湯麵特別惹味。蒜芯鮮蝦豬肉(湯)~上海麵，豬骨湯，蒜心爽口，鮮蝦彈牙。香茜豬肉餃(湯)~上海麵，豬骨湯，芫茜味道唔算好重，冇食開芫茜嘅都可以一試，芫茜係一個好有益嘅蔬菜。涼拌肉鬆皮蛋豆腐~落足料嘅一個小吃，皮蛋夠香，豆腐夠滑，加埋肉鬆及醬汁特別醒胃。煎餃雙拼(十隻)~韭菜豬肉餃拼黑松露芝士豬肉餃~即叫即煎非常香口，韭菜餃係必叫嘅煎餃，正！黑松露芝士fusion餃也做得出色。檸檬紅茶+蜜桃茶~ 食完仲可以慢慢行下呢度嘅商店，今日同朋友都大有收穫，shop咗好多心頭好。