影片
更多
2023-05-15
97 瀏覽
朋友約咗過嚟呢邊食飯，揀咗呢一間和歌山。環境同埋食物以及服務都非常好，感覺係喜出望外嘅。餐廳佈置富有日式風味行簡約風，而且食物都擺得非常精美。我叫咗個三重吉列定食（ $108 ），入面包咗炸蝦，炸蠔，同埋炸豬扒三種唔同既炸物。三款食材尤其是海鮮類十分新鮮，我特別鍾意就好，配上沙律醬食好夾。而且炸豬扒肉質鬆軟，肉汁豐富冇炸到乾晒👍 我除此之外，仲有包咗麵豉湯同埋一啲前菜同埋漬物。咁嘅價錢包咁多嘢其實好抵👍另外我哋仲叫咗個比目魚柚庵燒御膳（ $128 ），比目魚肉質鮮滑，魚皮燒到好香脆，個口感好唔錯。點少少沙律醬一齊食好送飯😄 御膳仲要配埋溫泉蛋同埋關東煮，十分足料。本身食兩個定食個份量已經夠飽，但係都叫咗兩款唔同小食。見到隔籬枱個芝士玉子燒（ $62 ）賣相好靚，都叫咗個嚟試下。玉子燒上邊有勁大嚿燒溶咗嘅芝士，雖然邪惡，但係好食😋。影完相即刻食，仍然有拉絲嘅效果，建議大家快啲食咗呢個先，因為芝士凍左就會冇咁好食。另一款小食，係自家製牡蠣餃子（$68），餃子一份有五隻。都幾鍾意佢個皮唔算好厚，咬落去肉汁即該出晒黎。而且真係有蠔既鮮味👍鍾意食蠔嘅朋友真係可以叫黎試吓。最後一讚嘅係呢度嘅啤酒杯
餐廳佈置富有日式風味行簡約風，而且食物都擺得非常精美。我叫咗個三重吉列定食（ $108 ），入面包咗炸蝦，炸蠔，同埋炸豬扒三種唔同既炸物。三款食材尤其是海鮮類十分新鮮，我特別鍾意就好，配上沙律醬食好夾。而且炸豬扒肉質鬆軟，肉汁豐富冇炸到乾晒👍 我除此之外，仲有包咗麵豉湯同埋一啲前菜同埋漬物。咁嘅價錢包咁多嘢其實好抵👍
另外我哋仲叫咗個比目魚柚庵燒御膳（ $128 ），比目魚肉質鮮滑，魚皮燒到好香脆，個口感好唔錯。點少少沙律醬一齊食好送飯😄 御膳仲要配埋溫泉蛋同埋關東煮，十分足料。
本身食兩個定食個份量已經夠飽，但係都叫咗兩款唔同小食。見到隔籬枱個芝士玉子燒（ $62 ）賣相好靚，都叫咗個嚟試下。玉子燒上邊有勁大嚿燒溶咗嘅芝士，雖然邪惡，但係好食😋。影完相即刻食，仍然有拉絲嘅效果，建議大家快啲食咗呢個先，因為芝士凍左就會冇咁好食。
另一款小食，係自家製牡蠣餃子（$68），餃子一份有五隻。都幾鍾意佢個皮唔算好厚，咬落去肉汁即該出晒黎。而且真係有蠔既鮮味👍鍾意食蠔嘅朋友真係可以叫黎試吓。
最後一讚嘅係呢度嘅啤酒杯係會雪到冰咁比你，因為好怕喺飲到啲唔凍嘅啤酒。非常之貼心。朋友就叫咗個和歌山水果茶王（ $38 ），入邊有好多款唔同嘅生果，而且茶味香濃。甜甜地咁嘅開胃。
總括嚟講呢間居酒屋都幾正，cp值都高。下次嚟樂富應該都會再食😄
張貼
