松記糖水店

營業中

休息中

好耐冇去荃灣食糖水，雖然有幾間，但都係揀返松記～餐牌超多野揀，諗食咩都用左三個字。 幾個人share食～呢個係芒果益力多味綿綿冰～食唔到芒果味，但益力多味酸酸甜甜好開胃。不過d生果就淡而無味。加咗椰果就口感豐富d，仲有紅豆，不過爛溶溶，個人覺得紅豆一粒粒口感較好。仲有乳酸味爆珠，同綿綿冰絕配。 最值得推介一定係呢個榴連冰，就咁聞已經有榴連香，榴連味雪糕香滑，加榴連肉，雙重口感加上刨冰，爽！ 真係齒頰榴連香😝不過紅豆又係爛茸茸。 呢個鮮果雪糕西米露就冇咩驚喜，生果都係淡而無味，不過個朱古力雪糕有好多朱古力碎冇咁寡～唔會太甜，小清新。