御滿屋日本料理

營業中

休息中

荃灣嘅呢間放題岩岩裝修完仲升級左做御滿屋，梗係即刻約埋朋友試試。今次試左77品嘅放題。自選入座時間2小時 $288。🐟刺身主打三文魚油甘魚同北寄貝。特色嘅仲有北海道角螺。仲有大赤蝦鮮味十足。泰式冷鮑魚亦好特別，好少見。🍣創意一流嘅壽司都係御滿屋嘅賣點。有咖喱芝士肉醬玉子燒壽司，火炙海鰻壽司，馬刀貝壽司等。最特別一定係榴槤加州卷，估唔到榴槤同加州卷又幾夾。絕對係必試之選。仲有海膽迷你手卷同香蔥吞拿魚蓉手卷，細細個，食多幾個都唔怕無位食其他嘢。🍲熟食方面蒜蓉燒生蠔，鹽燒牛舌同海蝦，一定要叫。卜卜蜆鍋同肥牛鍋都好好味，最啱暖返個肚。炸物方面最推薦嘅係椰汁流心球同埋貓山王榴槤炸彈，食完即刻encore。燒有機菠蘿當然都唔可以錯過。🍦甜品方面都有超多選擇，除咗有Movenpick同Dreyers雪糕，仲有好多日本韓國同泰國雪糕雪條。又有千層蛋糕，布甸。仲有得自己整雪糕。🍺飲品亦包羅萬有，白酒清酒都任飲，啤酒都有十款，鍾意飲酒嘅朋友就啱晒。仲有特色飲品仙草奶茶，蝶豆花香桃梳打，藍糖荔枝梳打賣相超級吸引。款式選擇極多，CP 值爆登，十分滿足。🤰值得一讚就係完全唔會漏單。服務態度亦非常友善。#御滿屋荃