影片
更多
2023-04-12
56 瀏覽
想同朋友慢慢享受一個有質素嘅午餐，又諗唔到想叫咩食，就不如交俾專業廚師幫我決定餐單，隨時仲會帶俾我神秘感同驚喜。「媄」主打鐵板燒日本料埋Omakase，位於尖沙咀鬧市7樓，落地玻璃望出去，剛好同樹高度一樣，一排樹景十分寫意。裝修以灰、白、木色做主調，雅致現代風格，以吧枱形式嘅座位可以近距離欣賞到主廚烹調嘅工架。環境非常整潔乾淨，抽氣做得好好，唔會一路燒一路聞到油煙味，特別欣賞主廚對整潔嘅執着。午市廚師發辦有六款時令海鮮，主廚友善細心，對烹調嘅用心，手法純熟細膩，真係台上一分鐘，台下十年功。◉沙律有新鮮嘅士多啤梨及藍莓，特別加上一片蓮芋，口感爽脆多汁，配上柚子汁酸甜味道，清新怡人，為呢一頓Lunch Omakase揭開序幕。◉龍蝦汁蒸蛋蒸蛋裝在蛋殼形狀嘅器皿中，淋上金黃色嘅龍蝦汁，再點綴幾片菊花瓣，賣相好靚好精緻。蒸蛋口感柔滑細膩，散發出淡淡蛋香，而龍蝦汁味道非常濃郁，係龍蝦嘅精華所在，但又唔會蓋過蒸蛋嘅味道，兩者味道喺口中融合一起，相得益彰，加上輕微菊花清香，令人回味無窮。◉北海道帶子呢度菜顏色好靚，帶子熟度掌握得恰到好處，刨上金黃色嘅烏魚子，上面再稍微燒烤一吓，鹹香味道更加突出。再灑
裝修以灰、白、木色做主調，雅致現代風格，以吧枱形式嘅座位可以近距離欣賞到主廚烹調嘅工架。
環境非常整潔乾淨，抽氣做得好好，唔會一路燒一路聞到油煙味，特別欣賞主廚對整潔嘅執着。午市廚師發辦有六款時令海鮮，主廚友善細心，對烹調嘅用心，手法純熟細膩，真係台上一分鐘，台下十年功。
沙律
4 瀏覽
0 讚好
0 留言
有新鮮嘅士多啤梨及藍莓，特別加上一片蓮芋，口感爽脆多汁，配上柚子汁酸甜味道，清新怡人，為呢一頓Lunch Omakase揭開序幕。
龍蝦汁蒸蛋
2 瀏覽
0 讚好
0 留言
蒸蛋裝在蛋殼形狀嘅器皿中，淋上金黃色嘅龍蝦汁，再點綴幾片菊花瓣，賣相好靚好精緻。蒸蛋口感柔滑細膩，散發出淡淡蛋香，而龍蝦汁味道非常濃郁，係龍蝦嘅精華所在，但又唔會蓋過蒸蛋嘅味道，兩者味道喺口中融合一起，相得益彰，加上輕微菊花清香，令人回味無窮。
北海道帆立貝
1 瀏覽
0 讚好
0 留言
呢度菜顏色好靚，帶子熟度掌握得恰到好處，刨上金黃色嘅烏魚子，上面再稍微燒烤一吓，鹹香味道更加突出。再灑上一點點白色嘅淡雪鹽，唔係死鹹嗰種，吊起咗帶子嘅鮮味。
南非鮑魚
0 瀏覽
0 讚好
0 留言
廚師用咗半蒸半煎嘅方式烹調鮑魚，熟度控制得剛剛好，純熟運用鏟子將鮑魚拆殼、切片、烹調再組合上碟。
鮑魚質地十分軟嫩，味道鮮甜，主廚建議先品嚐一片原味嘅鮑魚，然後第二片就配上秘製鮑魚肝醬一齊食。食鮑魚用返鮑魚肝嚟烹調醬汁，互相都唔會搶咗大家，成件事好match。個醬汁打得好細膩，味道回甘，少許甜味與微微酒香相輔相成，試咗之後簡直返唔到轉頭，每片鮑魚我都要蘸上大量醬汁食。
金鯛立鱗燒
9 瀏覽
0 讚好
0 留言
最特別的做法不得不提立鱗燒，主廚用油剛好浸泡到魚表皮朝下位置，炸至魚鱗豎起，再利用油釋出嘅溫度蒸熟魚肉，連帶有視覺享受，睇住主廚用聽油聲去判斷金鯛嘅熟度。今次fusion配咗個酸菜魚汁，調味適合返日本餐嘅口味。
用專門嘅匙羹品嚐，味道同口感都好有驚喜。入口時魚表皮同鱗都非常酥脆，完全唔覺得係魚鱗，魚鱗根本就係呢度菜嘅半個主角。魚肉厚身緊實，好嫩滑鮮甜。酸菜魚汁唔會好辣好麻，酸酸地有淡淡嘅花椒味。最後食埋大蔥絲可以用嚟清除口中嘅味道，迎接下一道菜。
蟲草花蝦膏大虎蝦
1 瀏覽
0 讚好
0 留言
主廚將原隻大虎蝦放上鐵板燒，純熟鏟法將大虎蝦剝殼、開邊，用蝦頭膏加入蟲草花煮成醬汁。蝦肉熟度剛好，肉質爽甜非常彈牙，直頭似龍蝦肉，醬汁好出色，蝦膏味甘香濃郁，蟲草花味都好出。
當我品嚐完第一件蝦，主廚特意為我哋增添一個新口味，加咗一匙羹秘製醬料喺其中一件蝦肉上，原來係避風塘口味。
鵝肝
5 瀏覽
0 讚好
0 留言
煎鵝肝火喉到位，放入口先享受表面一份香脆，然後到中心部份嘅柔軟質感，入口溶化，味道濃郁，配上多士及自家製蘋果醋蓉，中和油膩感，最後食片凍菠蘿清一清口中漏嘅感覺。
封門柳
5 瀏覽
0 讚好
0 留言
主廚會預先問你食唔食牛，同埋想食幾成熟，亦可以選擇日本鹿兒島黑豚肉。主廚控制牛嘅生熟度剛好，啱晒心意，牛味濃郁好juice，配鹽漬昆布同Wasabi，食到唔同配搭嘅口味。
味噌湯、炒飯、炒野菜
7 瀏覽
0 讚好
0 留言
用返大虎蝦蝦頭煮返個味噌湯，熱辣辣，鮮甜味濃郁，又唔會太鹹。
◉炒飯
看似簡單嘅炒飯先至盡顯主廚嘅功夫，炒飯粒粒粒分明，加入菜粒口感更加豐富。同一般炒飯唔同，呢個無用雞蛋炒，反而加咗啲沙律醬去炒，結果味道超好，其實都已經好飽，但好味到食晒成碗。
◉炒野菜
有椰菜、本菇、紅蘿蔔絲，加埋芽菜炒得脆卜卜充滿水份，鐵板炒嘅蔬菜特別有鑊氣，入口清甜爽脆。
焦糖脆多士、柚子雪葩、熱咖啡
6 瀏覽
0 讚好
0 留言
好鍾意睇住主廚用牛油同糖煮成焦糖，時間掌握得好準，再將方包蘸上焦糖醬喺鐵板上燒成多士條。甜度好啱，表面焦糖衣脆口，充滿奶油香嘅焦糖味。三樣簡單嘅材料經過主廚烹調，竟然可以提升到咁出色嘅甜品，我其實真係好飽，但結果都食晒。
◉甜品
柚子雪葩好fresh，好香柚子味。最後嘆杯熱咖啡做結尾。
呢個價錢，無論環境、服務、食物都高質素，性價比高，結果食到捧住個肚，享受咗愉快滿足嘅一個午餐。
#媄鐵板燒日本料理和酒
地址：尖沙咀廣東道122-126號中港中心7樓
張貼
