鮮選壽司 (已結業)

終於年尾啦，食肆餐廳個防疫措施又放鬆咗，咁我同啲好耐無見嘅無針friend就約出嚟食下嘢，之後就睇埋果套十幾年前嘅阿凡達續集啦。難得無哂啲安心出行、電子針卡，真係唔洗成日拎住部針卡嘟嚟嘟去，呢年真係煩到呢！揀咗食呢間鮮選壽司，聽講話個老細係日本人嚟，咁梗係啦，呢間壽司店係Donki Donki 旗下嘅，梗係日本人開啦。舖面果啲我唔多講啦，都係正常間隔，但啲座位幾大，卡位係可以坐到6個人。今次我主攻食吞拿魚，佢啲拖羅赤身拼盤好抵食，藍鰭吞拿魚刺生盛合 $298吞拿魚壽司拼盤 $228啲赤身都唔鞋口，又唔腥，中拖大拖都係厚切好大片，想講啲中拖羅係三樣裡面最好食，無筋又油身，好滑仲有甜味。超推薦三文魚子軍艦$20、山葵八爪魚軍艦$7，啲料多到滿瀉，唔算貴又新鮮無雪味。仲有一啲飽肚之選嘅，帆立貝壽司$18、火炙海鰻壽司$10，一般正常水準。最後講下啲熱食，極上茶碗蒸 $48、銀鱈西京燒 $98、燒油甘魚鮫 $100、燒帆立貝 $58。呢幾道真係有驚喜。銀鱈西京燒 $98銀鱈魚本身就好滑但無味有時仲會有份雪味同小腥。但呢間個鱈魚做得好好，個燒汁甜甜地都幾杰身，配個魚嚟食好入味，魚身都沾滿濃醬汁，