神石燒牛扒水產專門店 (新達廣場) (已結業)

服務超差！我9點入黎，要湯冇湯，要沙律冇沙律，係想趕客所以唔再準備呢啲食物？呢啲係廚房既人問題，定侍應叫廚房唔好再攞出黎，等啲客人乜都冇得食，就可以快啲走？帶位個四眼仔都已經黑口黑面，連歡迎都冇句，做飲食行業，帶假面具都要啦！唔係唔識呀？定係唔提供呢啲野，係會收我半價？我有俾錢架！你理得我食唔食，呢啲基本野你地點都要準備俾客人！同埋，咁趕收工，就應該想客人快啲食完走啦，一人定食個個夠膽死俾埋唔熱既石板出黎，唔係燒燒下見唔熟知唔對路，叫侍應換，咁我唔駛食啦！啲員工唔鍾意臨收工有客入黎，就9點截客唔好俾客入啦！未試過食石板燒會趕頭趕命仲趕過食麥當勞！我一定推介朋友唔好食呢間！