影片
更多
2008-02-21
132 瀏覽
尋晚去食飯,真係食到一肚氣!叫個阿姐落order,分別要左咸肉、叉燒腸粉、自選湯粉、汽水。先講自選湯粉,個餐牌寫「麵或米粉二肉一菜$22」，然後下面分開肉一欄菜一欄，係肉果度寫「任選一款」，係菜果欄又係寫「任選一款」，咁咪即係一肉一菜？由於係咁，我問阿姐，係選一個肉定兩個肉，佢竟然用好差既態度答我：「寫到明兩肉一菜架嘛！梗係呢度兩個，呢度一個啦！」明明係佢自己寫得唔清唔楚，仲要走黎話我，而且個態度差到好似話緊我唔岩咁！其次，叫飲品時，問阿姐，有無健怡可樂，佢唔知，要走去問廚房，結果係無；再問有無無糖可樂，唔知，又問，又無；咁都合理。於是我地話要忌廉，因為餐牌有一項係忌廉，同可樂分開既，咁即係肯定有啦，但個阿姐竟然答：「唔知有無，問下先！」結果當然係有啦！但係叫個汽水搞咁耐，又乜都唔知，點做落單呢？更甚者，講咸肉、叉燒腸粉、汽水，我地見到餐牌上個價錢分別係$8、$8、$5，點知佢落單時寫$9、$9、$7，我地出聲，個阿姐唔知頭唔知路，問一個廚房阿哥，個阿哥竟然話：「果個有英文既餐牌唔係架！中文果個先係真！」下？咁都得？跟住我地對比兩個餐牌，真係發現價錢唔同！然後個阿姐又好手快咁搶走左個有
叫個阿姐落order,分別要左咸肉、叉燒腸粉、自選湯粉、汽水。
先講自選湯粉,個餐牌寫「麵或米粉二肉一菜$22」，然後下面分開肉一欄菜一欄，係肉果度寫「任選一款」，係菜果欄又係寫「任選一款」，咁咪即係一肉一菜？由於係咁，我問阿姐，係選一個肉定兩個肉，佢竟然用好差既態度答我：「寫到明兩肉一菜架嘛！梗係呢度兩個，呢度一個啦！」明明係佢自己寫得唔清唔楚，仲要走黎話我，而且個態度差到好似話緊我唔岩咁！
其次，叫飲品時，問阿姐，有無健怡可樂，佢唔知，要走去問廚房，結果係無；再問有無無糖可樂，唔知，又問，又無；咁都合理。於是我地話要忌廉，因為餐牌有一項係忌廉，同可樂分開既，咁即係肯定有啦，但個阿姐竟然答：「唔知有無，問下先！」結果當然係有啦！但係叫個汽水搞咁耐，又乜都唔知，點做落單呢？
更甚者，講咸肉、叉燒腸粉、汽水，我地見到餐牌上個價錢分別係$8、$8、$5，點知佢落單時寫$9、$9、$7，我地出聲，個阿姐唔知頭唔知路，問一個廚房阿哥，個阿哥竟然話：「果個有英文既餐牌唔係架！中文果個先係真！」下？咁都得？跟住我地對比兩個餐牌，真係發現價錢唔同！然後個阿姐又好手快咁搶走左個有英文既餐牌，收埋左，一直無再拿過出黎！
我地講左句：早知係咁就唔要汽水啦！咁之嘛，跟住佢地就無上任何食品黎，我地等左一陣，個阿姐竟然話：「咁仲要唔要咸肉、叉燒腸粉果的呀？」我地話要，佢先整番俾我地，激死！
然後講食物質素，咸肉同叉燒腸粉都好普通，唔係特別好味，叉燒又少，但係最唔掂係個粉！一上黎，個碗裡面的粉同送係大兜亂，好似俾人摷過晒咁，好核突，然而仲要俾錯送！我地點左炸魚片，佢俾左食粥果的魚片，我地叫佢換，佢竟然唔願意，唔理我地，我地再三叫，佢先至肯換，仲要等左好耐！
總之，食到一肚氣，一定一定唔會再幫襯！！！！！
(以前去太子果間，明明好好，唔係咁，唔知解呢間會咁！)
張貼