王家沙．花樣年華 (K11 Musea)

營業中

休息中

農曆新年就到喇！又係時候同屋企人食團年飯，今年我就揀咗去尖沙咀食上海菜，做節緊係吾可以馬馬虎虎，所以我就點咗個極尚盛宴四人餐，實行食豪啲。極尚盛宴四人餐雲吞雞燉湯雞湯呈奶白色，味道濃郁，雞肉夠嫩滑，一人一盅，原汁原味。精選滬式涼菜拼盤拼盤有五款經典滬式前菜，有鎮江肴肉、皮蛋豆腐、蒜蓉拍黃瓜、四喜烤麩鹹同花雕醉雞，有齊曬我鍾意食嘅前菜，真係好開心！花雕醉雞一口咬落去已經好香酒味。鎮江肴肉晶瑩通透，口感又香又滑，吃時蘸少許鎮江醋，豐富味道又可平衡油膩感，酸酸甜甜好開胃。四喜烤麩鹹中帶甜，配料有香菇、雲耳、花生等等，口感豐富。皮蛋豆腐面層鋪滿肉鬆同皮蛋，下面係一片片嘅滑豆腐。蒜蓉拍黃瓜蒜味香濃，口感爽脆清新。招牌蟹粉小籠包蟹粉小籠包即叫即蒸，味道鮮美，皮薄餡靚，一口咬開湯汁就流曬出黎。鴛鴦河蝦仁(清炒/ 黃金）蝦仁一半係清炒，一半係黃金，清炒炒得好剔透，入口肉質彈牙，而黄金就好香鹹蛋味，鹹蛋黄口感幼滑，真係好邪惡，清炒同黃金都各有特色。紅燒帶骨元蹄豬皮軟滑而富彈性，口感肥而不膩， 豬肉肉質鬆軟，店員仲會俾埋刀叉，可以慢慢享用。蟹粉炒年糕上海年糕口感煙韌，蟹粉鮮味極之濃郁，令人不禁一口接一口。