極尚大喜屋 (加連威老道) (已結業)

極尚大喜屋日本放題呢度嘅地方好大，位置亦都好多 ， 而餸菜的款式亦都好多選擇，有生嘅有熟嘅一嚟當然係要食刺身先啦，而我就嗌咗北寄貝，象拔蚌，三文魚，蟹腳，帶仔，啲材料都幾新鮮，冇乜腥味， 而刺身下面有冰粒保持溫度冰凍。辣味東風螺， 非常惹味， 口感刺激辛辣小型雞煲， 味道唔錯，有少少芝麻香， 全部肉都係雞中翼嚟嘅。泰式鳳爪，鳳爪非常之辣，亦都好酸，比較重口味溫泉蛋，細滑滋味，有淡淡蛋香回甘炸天婦羅， 所有蔬果都帶甜， 天婦羅皮唔厚香草燒羊鞍， 羊味都濃， 小小騷味可以接受， 燒出嚟都夠熱，好食。榴槤炸彈好香榴槤味， 一咬落口成陣榴槤味飄出嚟， 鍾意食榴槤嘅朋友必須要點呢一個香芋炸彈甜甜地， 脆卜卜炸鮮奶略有少少苦， 奶味唔夠香濃整體上食物嘅質素都係有保證嘅， 大部分菜式都係好滿意， 而飲品係無限叫嘅， 最後食埋甜品雪糕先走， 咁就perfect。