洪記潮州滷味 (已結業)

土瓜灣北帝街不嬲多嘢食，但唔係間間都好食，今次講嘅依間洪記潮州滷味絕對係抵食夾大件。同一般滷水舖一樣，洪記比咗好多選擇食客去揀選自己想要食嘅滷水食物，其中包括滷水鵝（有骨）、滷水鵝片、豬大腸、腩肉同豬耳。我今次就揀咗自己最愛嘅滷水鵝片、腩肉同豬耳。佢嘅滷水味唔係話好味濃五香味好香嘅嗰種，但亦到食出淡淡嘅滷水香料味，滷水鵝並冇被滷水料頭掩蓋佢嘅鵝香味。有一點不得不讚，就係洪記嘅滷味飯配菜頭腐，索唒啲滷水汁好食到傻😂。