California Pizza Kitchen (屯門市廣場1期)

營業中

休息中

二人小聚，黎試試屯市新餐廳，點咗一個薄餅加一份小食。薄餅選擇多，最後擇咗材料多元化、名又長過人嘅加洲特色牛油果烤雞肉手拉薄餅。手拉薄餅餅底間乎薄派同厚派中間，唔會薄到好似食脆片（個人唔鐘意呢點），亦唔會太厚好似食麵包。餅底唔錯，煙韌。味道上，整體一般，比較平淡。如果牛油果係用上牛油果蓉+ 牛油果粒，好過而家一片片牛油果未能每口都嘗到牛油果。薄餅冇醬，好彩用料都新鮮，鍾意清新口味嘅人應為更鐘意。小食方面，香辣炸椰菜花令人喜出望外。第一次食炸嘅椰菜花，食落爽口，就算涼咗都好味。底層嘅藍芝士+ 香蔥制成嘅醬creamy，口味微微帶酸嘅感覺，令炸椰菜花提升咗成幾個level。英文餐單會見到用上Sirarcha，是拉差，辣味令味道唔會單一。可惜部分炸椰菜花點得過多，辣味太搶。味道黎講真係值得再試，連我呢個食肉獸都大愛。價錢就真係偏貴，$62得7件。