荷華庭園景餐廳 (已易手) 新餐廳

放假又唔想出城市同人迫，又想跟大人拖手仔，就揸架車出去遊吓車河四圍搵嘢食，D車友就叫我去大埔林村行吓話個邊有間餐廳幾有情調又坐得舒服，有D似以前嘅舊式西餐廳，所以就帶咗大人去食仲懶醒跟大人講今晚我話事。初初仲以為好偏遠，但如果識去林村就已經可以見到間餐廳，去到有室內同室外待應仲好細心問我哋想坐邊，我望咗一陣就決定坐室外因為我見到有戶外冷風機應該唔會太熱，餐廳仲細心到安排埋蚊香跟蚊怕水俾我哋，等我哋可以舒舒服服咁食餐飯，落order嘅時候仲好細心咁提醒我哋，餐應份量會偏大少少，建議我哋先叫部分，唔夠先再加單服務非常細心，咁我哋先叫份大蝦沙律同埋一份豬手再加2杯飲品。大蝦沙律賣相相當唔錯，面有凍蝦啦個蝦又甜又爽身下面全係時令生果仲係凍嘅，個豬手初初以為係脆卜卜個隻，原來係舊式方法去做嘅即係豬皮係煙煙靭靭又唔肥膩嘅，肉質又唔會鞋味道，食完依2個餸大人話飽喎，但就食得落甜品，所以就叫咗梳乎裡，依個甜品好鬆又唔會太甜仲有蛋香味食完餐飯大人仲讚我叻仔。