影片
更多
2023-06-19
45 瀏覽
呢間Cafe有室內同室外位置，裝修好特別，水泥牆同皮梳化有少少工業風嘅感覺，用上木系傢俬，仲有好多森林嘅佈置，有少少喺森林嘅感覺，現代風得嚟又幾relaxing！主餐牌上面嘅款式都幾多，主要都係乳酪碗、三文治呢類型嘅輕食，平日仲有lunch set提供，想食得飽啲或者食少少嘢都可以～成間cafe嘅vibe好悠閒慢活，可以食完嘢慢慢坐，可以帶寵物過嚟，帶埋自己嘢嚟做都可以！------------------------------🥪◖自選蛋配酸種麵包◗ $60可以自己揀想要嘅雞蛋，今次揀咗水波蛋，額外+$25要煙三文魚，水波蛋同煙三文魚呢個組合真係好夾！用咗迷迭香酸種包，外面微脆，裏面濕潤鬆軟。喺個沙律度拎咗嚿feta cheese搽咗片酸種包之後，再舖上跟餐嘅煙三文魚同水波蛋，味道好有層次，好食！🥙◖烤牛扒超級沙律◗ $130佢嘅沙律有好多料，topping已經有一大塊片牛扒，呈嫩粉色，肉質軟腍，加上牛油果、feta芝士、藜麥、石榴，沙律底就係羽衣甘藍，大大兜好豐富！呢個沙律跟一個泰式辣汁，酸酸辣辣咁樣，清爽得嚟幾開胃！🍪◖Pastries Combo◗ $50佢呢個套餐好抵，包一件
成間cafe嘅vibe好悠閒慢活，可以食完嘢慢慢坐，可以帶寵物過嚟，帶埋自己嘢嚟做都可以！
------------------------------
🥪◖自選蛋配酸種麵包◗ $60
可以自己揀想要嘅雞蛋，今次揀咗水波蛋，額外+$25要煙三文魚，水波蛋同煙三文魚呢個組合真係好夾！用咗迷迭香酸種包，外面微脆，裏面濕潤鬆軟。喺個沙律度拎咗嚿feta cheese搽咗片酸種包之後，再舖上跟餐嘅煙三文魚同水波蛋，味道好有層次，好食！
🥙◖烤牛扒超級沙律◗ $130
佢嘅沙律有好多料，topping已經有一大塊片牛扒，呈嫩粉色，肉質軟腍，加上牛油果、feta芝士、藜麥、石榴，沙律底就係羽衣甘藍，大大兜好豐富！呢個沙律跟一個泰式辣汁，酸酸辣辣咁樣，清爽得嚟幾開胃！
🍪◖Pastries Combo◗ $50
佢呢個套餐好抵，包一件常溫嘅cake同埋一杯regular size咖啡。佢pastry嘅種類都幾多，有muffin、scone、pound cake嗰啲，今次揀咗佢個藍莓鬆餅，質感比較濕潤，拉扯嘅時候帶有少少韌勁，食落去藍莓味唔算太出～
☕️◖Cappuccino◗ $45
奶泡打得好綿密，拉花拉得好靚，飲落順喉好滑！
🌟 Encore指數：8.5/10
張貼
