豊勝手丼 (已搬遷) 新店位置

今日本來約咗朋友食宴，點知佢話唔多舒服要休息，天氣忽冷忽熱，保重身體要緊，於是乎是自己食，想起不如食過丼。梳梳乎乎食過丼，揀咗豊勝，佢話係北海道釧路形式，自選刺身組合，因為每款不同價錢，每個丼組合及價錢都不一，仲有，加$20食埋定食，有湯及沙律更抵。廿幾款選擇中卜口丼最吸引，皆因我鐘意肥美，有三款吞拿魚肉，普通吞拿、魚腩及碎肉，見到咁多拖羅真開心，即食一件，入口即化簡直完美，漸進方式食都幾好玩，魚肉無咁多脂肪一様軟棉好食。前菜是螺肉，醬汁十分滋味，沙律汁都好味，比較酸甜，混合食更好味。麵鼓湯味道正常，有昆布。$288個丼，因為係頂級，份量咁多，抱住黎食好野心態，值得的。