影片
更多
2015-07-02
886 瀏覽
自己去到邊都係食常餐。介紹下附近隱藏於瀝源既呢一間老店先～話說由細到大幾廿年。我都係前幾年丫媽先叫我去食。因為街坊係隔黎開鋪夠近又方便喎。平時行過見到個格局就唔會想試。因為太舊又多門口枱供煙民專用。之但係佢成日爆棚嫁喎點解呢！？一睇牆上張"餐牌"就笑左出黎。其實麥嘜既情節係堅既午餐早餐常餐晚餐糾纏不清不分你我。但其實箇中奧秘係變化萬千無窮無盡。餐牌只係一個儀式。所有你諗到既都可以叫。仲離譜到你諗唔到既都有添～首先由個包開始。Default 係牛油餐包。我就必轉奶油多。好多人揀菠蘿油雞尾包墨西哥（包係自家焗的好似係）當然白面包都有捧場客。如果你唔食蛋可以變做厚多士喎。你要食蛋咩？又可以變左蛋治！！至於蛋我個人就鍾情於太陽不過經多人測試後告知。炒蛋奄烈都非常香口好味既^^麵就正正常常稍為偏淋。通意米面配牛义炸雪腿丁數十款自由配搭。最抵錫係杯野飲。竟然轉做鮮奶朱奶都只係當凍飲加２蚊。天呀我買支奶都屈左十蚊去啦～所以次次都係以朱奶為首選無得輪丫喂^^我諗就係因為夠晒user friendly。屹立N年成為無數街坊既聚腳地。丫唔記得講。仲有一個特色就係無論有幾廿人叫野食。佢地都係唔洗寫單就咁大叫
自己去到邊都係食常餐。介紹下附近隱藏於瀝源既呢一間老店先～話說由細到大幾廿年。我都係前幾年丫媽先叫我去食。因為街坊係隔黎開鋪夠近又方便喎。平時行過見到個格局就唔會想試。因為太舊又多門口枱供煙民專用。之但係佢成日爆棚嫁喎點解呢！？
一睇牆上張"餐牌"就笑左出黎。其實麥嘜既情節係堅既午餐早餐常餐晚餐糾纏不清不分你我。但其實箇中奧秘係變化萬千無窮無盡。餐牌只係一個儀式。所有你諗到既都可以叫。仲離譜到你諗唔到既都有添～
首先由個包開始。Default 係牛油餐包。我就必轉奶油多。好多人揀菠蘿油雞尾包墨西哥（包係自家焗的好似係）當然白面包都有捧場客。如果你唔食蛋可以變做厚多士喎。你要食蛋咩？又可以變左蛋治！！至於蛋我個人就鍾情於太陽不過經多人測試後告知。炒蛋奄烈都非常香口好味既^^麵就正正常常稍為偏淋。通意米面配牛义炸雪腿丁數十款自由配搭。最抵錫係杯野飲。竟然轉做鮮奶朱奶都只係當凍飲加２蚊。天呀我買支奶都屈左十蚊去啦～所以次次都係以朱奶為首選無得輪丫喂^^
我諗就係因為夠晒user friendly。屹立N年成為無數街坊既聚腳地。丫唔記得講。仲有一個特色就係無論有幾廿人叫野食。佢地都係唔洗寫單就咁大叫入去廚房既。至於點解記得又無乜漏單呢？我諗呢Ｄ就係伙記既實力囉～
題外話/補充資料：
後來朋友們想黎一嚐朱奶重拾感覺。由於午餐時間必定被學生們搶奪一空。於是膽粗粗早一點去和肥老闆講聲。佢二話不說就答應了留起幾樽給我們。我還問他用不用先付錢。結果比他一手揚開打發離去了^^
(以上食評乃用戶個人意見 , 並不代表OpenRice之觀點。)
張貼
