牛一 (屯門市廣場1期) (已結業)

見新開無耐，又日日咁多人排隊，姑且都排埋一份試下。揀咗第二級＂極上美國牛肉＂，結果質素係差過涷肉舖啲平價牛肉，反而豚肉仲好食。自助食物款式唔多，大部份丸類都鬆散，無咬口，係得墨魚丸叫ＯＫ。蔬菜類幾新鮮，唔錯。烏冬幾好食，拉麵就完全唔得。醬料款式多，但大多數味道都麻麻，唔算係好貨式。反而咖哩汁做得幾好，食咖哩飯仲正，咁算唔算喧賓奪主？飲品只得汽水，好似我呢啲唔飲汽水的人，唯有飲水算。乳酪配料唔多，但係都預咗，但最慘係味道唔好食，陣味好怪，小朋友都話唔食，仲話超市買杯裝仲好味。結論係：排咁耐係戇居，傻仔做一次就夠。