永星冰室

營業中

休息中

小編依日出果欄買生果🥝，順便搵間小店幫襯下，發現有間冰室喺果欄對面街 👍🏻🍝 永星招牌蜜糖燒雞扒意大利粉 (蒜蓉汁) 😋😋😋😋由於冇乜概念，於是揀樣佢哋嘅招牌～ 意粉嚟到上枱，睇得出普通冰室都對擺盤有啲要求，排得塊雞扒整整齊齊，雞扒肉嫩、帶蜜糖焦香。意大利粉稍為軟身，蒜蓉汁🧄唔會太濃，有少許沙律菜。🥗🍹 比利時朱古力 (凍) 😋😋😋😋加咗一層cream嘅凍朱古力🍫外貌靚靚仔仔，唔算好濃郁，微甜～ 午餐 💵 約港幣$50/人💁🏻‍♀️ 依日周末晏晝，間唔時就會有街客經過入嚟食嘢。佢哋仲會提供帶有港式風情嘅歐式早餐，冰室裝修整整齊齊。去開果欄附近嘅朋友仔，都可以平平地去試試～ 😁