更多
2025-06-21
164 瀏覽
呢間之前飲過!見佢哋灣仔開咗間分店, 經過就買兩杯嚟飲吓!佢哋仲有堂食位置, 買完可以慢慢坐低飲, 好 chill呀~佢哋係全港首間以果凍做主題嘅茶飲店, 由在港台灣師傅研發, 飲品嘅材料由台灣直送✈️, 個人推介揀可以加果凍嘅飲品, 有茉莉綠茶凍、桃花紅茶凍、杏仁凍、豆漿凍俾你揀, 非常特別呢!🥤熟成紅茶豆漿凍 建議揀微糖~ 紅茶味道香醇, 濃度剛剛好, 同豆漿凍幾夾~ 豆漿凍口感滑溜, 有啲似豆腐花, 又唔會太甜, 每一啖都充滿層次感!🥤蘋果蜂蜜金萱茶飲落有天然嘅蘋果香氣🍎, 搭配甘香嘅金萱茶, 再加入蜂蜜🍯, 味道清爽!
張貼